Kapil Dev: రిటైర్మెంట్ వెనక్కి తీసుకో.. ఇంకో రెండుమూడేళ్లు ఆడొచ్చు.. కోహ్లీకి కపిల్ దేవ్ కీలక సూచనలు
Kapil Dev: టీమిండియా స్టార్‌ బ్యాటర్‌ విరాట్‌ కోహ్లీ సూపర్‌ ఫామ్‌లో ఉన్నాడు.. వెస్టిండీస్‌తో జరిగిన తొలి వన్డేలో 139 పరుగులతో ఎన్నో రికార్డులు తిరగరాసిన కింగ్‌.. అందరి చూపు తనవైపునకు తిప్పుకున్నాడు.. అయితే, కింగ్‌ కోహ్లీ టెస్ట్ క్రికెట్‌కు వీడ్కోలు పలకడంపై దిగ్గజ క్రికెటర్, 1983 ప్రపంచకప్‌ విజేత కెప్టెన్ కపిల్ దేవ్ కీలక వ్యాఖ్యలు చేశారు. కోహ్లీ మరికొన్ని సంవత్సరాలు టెస్ట్ క్రికెట్ ఆడే సామర్థ్యం ఉన్నప్పటికీ రిటైర్మెంట్ ప్రకటించడం తనను బాధించిందని అన్నారు. కొన్నేళ్ల తర్వాత కోహ్లీ తన నిర్ణయంపై పశ్చాత్తాపపడే అవకాశం ఉందని అభిప్రాయపడ్డారు. ఇటీవల వెస్టిండీస్‌తో జరిగిన తొలి వన్డేలో కోహ్లీ అజేయంగా 139 పరుగులు చేయడంపై స్పందిస్తూ కపిల్ దేవ్ ఈ వ్యాఖ్యలు చేశారు. ప్రస్తుత వయసులోనూ కోహ్లీ ఫిట్‌నెస్ అద్భుతంగా ఉందని, మరో రెండు, మూడు సంవత్సరాలు తన ఫిట్‌నెస్‌ను కొనసాగించగలిగితే అనేక రికార్డులను బద్దలు కొట్టగలడని పేర్కొన్నారు.
టెస్టుల్లో మరికొంత కాలం ఆడాల్సింది
రిటైర్మెంట్‌పై మరోసారి ఆలోచించాలంటూ సూచన